Երեխայի ծնունդը որքան հրաշալի, նույնքան ցավոտ ու ֆիզիկապես հյուծիչ երևույթ է ծննդաբերող մոր համար, սակայն միակ զգացողությունը, որը մայրը կարող է ունենալ իր փոքրիկին տեսնելիս, երջանկությունն է:
Հավանաբար, հենց այդ զգացողությունն է ուժ տալիս նոր ծննդաբերած կնոջը ժպտալ և մոռանալ բոլոր տեսակի ցավերի մասին:
Ինչպես գրում է Boredpanda.com-ը, դրա վառ ապացույցներից մեկը իսպանուհի մոդել Թաիս Դե Մարիի հրապարակած սելֆին է, որը նաև պատկերել է դստերը կեսարյան հատումով լույս աշխարհ բերելուց վայրկյաններ անց:
Լուսանկարում պատկերված են իսպանուհին, նրա ամուսինն ու նորածին դստրիկը` Կարմելը, ով այժմ արդեն երեք ամսական է, իսկ մայրիկը շարունակում է հիացնել փոքրիկ գեղեցուհու նորանոր կերպարներով:
