Tert.am-ը գրում է.

«Ադրբեջանական լվացքատուն» անվանումը ստացած կաշառակերության աղմկահարույց գործի հետաքննության շրջանակներում նոր բացահայտումներ են կատարվել:

Ինչպես տեղեկացնում է Asbarez-ը, «Կազմակերպված հանցավորություն և կաշառակերության լուսաբանման նախագիծը» (OCCRP) բացահայտել է, որ CNN-ի նախկին պրոդյուսեր Էքարտ Սեջերը 2.6 մլն դոլար է ստացել բրիտանական ընկերություններից, այդ թվում և Hilux Services-ից: Գումարը փոխանցվել է Սեջերի՝ Արաբական Միացյալ Էմիրություններում գրանցված հաշվեհամարին:

Բացահայտման համաձայն՝ Սեջերը, գումար ստանալով Ադրբեջանից, հոդվածներ է հրապարակել՝ քարոզելով Ադրբեջանի տեսակետն տարբեր հարցերի շուրջ կամ պաշտպանել է ադրբեջանամետ գործիչներին:

Այդ հոդվածներից մեկը պաշտպանում է իտալացի պատգամավոր Լուկա Վոլոնտեին, որին մեղադրում են Ադրբեջանից գումար ստանալու և Ադրբեջանում մարդու իրավունքների խախտման մասին ԵԽԽՎ զեկույցը վերանայելու մեջ:

Ամբողջական հոդվածը կարող եք կարդալ այստեղ։

Նյութի աղբյուր՝ http://www.tert.am/am/news/2017/09/16/cnn-producer/2485714