Բաղադրությունը
- 0,5 բանկա պահածոյացված եգիպտացորեն
- 100 գր. թարմ շամպինյոն
- 1 ոչ մեծ սոխ
- 150 գր. հավի կրծքամիս
- թարմ կանաչի
- մի քանի գդալ մայոնեզ
- տապակելու համար բուսական յուղ
- աղ և սև պղպեղ’ ըստ ճաշակի
Պատրաստման եղանակը
Ավելի լավ է չօգտագործել հավի սառեցված միս, քանի որ պատրաստելուց հետո այն կլինի պինդ և չոր: Հավի կրծքամիսը կտրատում ենք, փոքր ինչ ծեծում, ավելացնում ենք աղ’ ըստ ճաշակի: Տապակում ենք բուսական յուղով երկու կողմից’ մինչև կեփվի: Թողնում ենք սառչի:Այժմ պատրաստում ենք սունկը: Շամպինյոնները կտրատում ենք և տապակում բուսական յուղով, ավելացնում ենք մանր կտրատած սոխ: Շամպինյոնների վրա, ըստ ճաշակի, աղ և սև պղպեղ ենք ավելացնում: Թողնում ենք սառչի:Պահածոյացված եգիպտացորենն առանձնացնում ենք հեղուկից և ավելացնում տապակելուց հետո սառած սնկի վրա: Հավի միսը ձեռքերով մանրում ենք և ավելացնում սնկի և եգիպտացորենի վրա:
Կանաչին մանր կտրատում ենք: Ավելացնում ենք այնքան մայոնեզ, որ աղցանի մթերքները հեշտությամբ խառնվեն: Աղցանը կարող ենք լցնել ափսեի մեջ և վերևում զարդարել եգիպտացորենով կամ կանաչիով: Ինչպես էլ որ այն զարդարելու լինենք, աղցանի համը դրանից չի փոխվի և կմնա շատ համեղ:
