Բաղադրությունը

Կրեմի համար՝

• թթվասեր – 400 գր
• շաքարավազ – 200 գր
• Ջնարակի համար՝
• շաքարավազ – 100 գր
• կարագ – 50 գր
• կակաո – 2 ճ/գդ
• թթվասեր – 2 ճ/գդ

Խմորի համար՝

• ալյուր – 200 գր
• ձու – 2 հատ
• շաքարավազ – 200 գր
• թթվասեր – 200 գր
• փխրեցուցիչ – 2 թ/գդ
• կակաո – 2 ճ/գդ

Ինչպես նաև՝

մուրաբա բալի – ըստ ճաշակի

Պատրաստման եղանակը

Ձվերը շաքարավազի հետ լավ հարում ենք, ավելացնում ենք թթվասերը, փխրեցուցիչը, կակաոն ու ալյուրը և կրկին լավ հարում։Խմորը մեծ և փոքր մասերի ենք բաժանում։ Փոքր խմորը դնում ենք յուղաթղթապատ ձևամանի մեջ և թխում նախօրոք 180 աստիճան տաքացրած ջեռոցում 15-20 րոպե։Հանում ենք ձևամանից և հովացնում։ Թխում ենք երկրորդ խմորը։Պատրաստում ենք կրեմը։ Թթվասերն ու շաքարավազը լավ հարում ենք, մինչև շաքարավազն ամբողջությամբ լուծվի։
Առաջին շերտը կրեմապատում ենք։Վրան մուրաբա ենք լցնում։Երկրորդ շերտը հովացնում ենք և խորանարդիկների բաժանում։Խորանարդիկները թաթախում ենք կրեմի մեջ և դնում շերտի վրա։Լցնում ենք մուրաբան։Մնացած խորանարդիկները նույնպես թաթախում ենք կրեմի մեջ և բրգաձև շարում։Պատրաստում ենք ջնարակը։ Բոլոր բաղադրիչները մարմանդ կրակին հալեցնում ենք։Լցնում ենք տորթի վրա։