Բաղադրությունը`
- 700 գրամ կարտոֆիլ
- 2 հատ ձու
- 200-250 գրամ ապխտած երշիկ
- 2 ճ/գ ալյուր
- 3-4 պճեղ սխտոր
- 3 ճ/գ թթվասեր
- 1 ճ/գ մանանեխ
- 2 հատ սոխ
- 1 քաղցր բիբար
- 150 գրամ չերրի լոլիկ
- 170 գրամ պանիր
- Կանաչ սոխ
- աղ, պղպեղ
Պատրաստման եղանակը`
1.Սոխը կտրատել կիսալուսնաձև, տապակել ձեթով մի քանի րոպե, հետո ավելացնել կտրատած բիբարը, շարունակել տապակել ևս մի քանի րոպե, ավելացնել կտրատած երշիկը, խառնել և անջատել կրակը:
2.Կարտոֆիլը մաքրել, անցկացնել խոշոր քերիչով, ավելացնել ճզմած սխտոր, ձու, ալյուր, պղպեղ և լավ խառնել: Լավ տաքացրած թավայի մակերեսով տարածել ստացված զանգվածի կեսը, ավելացնել 2ճ/գ ձեթ: Թավան ավելի լավ կլինի ընտրել 21 սմ տրամագծով:Միջին կրակի վրա տապակել 5 րոպե, հետո շուռ տալ մյուս կողմ:
3.4-5 րոպե հետո վրան քսել թթվասերի և մանանեխի խառնուրդը, ավելացնել միջուկի կեսը, մեջտեղից երկու կես արած լոլիկների կեսը, կտրատած կանաչ սոխի և քերած պանրի կեսը, կրակը թուլացնել, կափարիչը փակել և եփել մինչև պանրի հալվելը:
4.Նույն հերթականությամբ եփել նաև մյուս կեսը: Իսկ ավելի հարմար կլինի երկուսը միաժամանակ եփել:
5.Մատուցե կանաչ սալաթով և թթվասերով:
