Բաղադրությունը`

• 500 գրամ տավարի լյարդ
• 300 գրամ թթվասեր
• 2 հատ սոխ
• 3ճ/գ ալյուր
• ձեթ
• չորացրած ռեհան
• չորացրած ծիտրոն
• սև և կարմիր պղպեղ
• աղ

Պատրաստման եղանակը`

1.Լյարդը լվանալ և հեռացնել թաղանթը: Թաղանթը հեշտությամբ հեռացնելու համար վրան լցնել եռացրած տաք ջուր, թողնել 2-3 րոպե, հետո տեղափոխել սառի ջրի մեջ: Թաղանթը հեռացնելուց հետո լյարդը բաժանել միջին չափի կտորների:
2.Սննդային տոպրակի մեջ լցնել ալյուրը,ավելացնել չորացրած կանաչիները և պղպեղները:Լյարդի կտորները ևս գցել տոպրակի մեջ, տոպրակի ծայրը կապել և թափահարելով ալրապատել լյարդի կտորները:
3.Թավայի մեջ ձեթ ավելացնել, տաքացնել և երկու կողմից տապակել ալրապատ կտորները:
4.Զուգահեռ մեկ այլ թավայի մեջ տապակել լուսնաձև կտրատած սոխը: Երբ սոխը ստանա ոսկեգույն երանգ, քիչ-քիչ ավելացնել թթվասերը, որպեսզի այն չկտրվի:Եփել մոտ 5 րոպե:
5.Վրան ավելացնել լյարդի պատրաստի կտորները: Ստացված զանգվածը խառնել, եփել ևս 2-3 րոպե և անջատել կրակը: Աղը ավելացնել վերջում:
Բարի ախորժակ