Բաղադրությունը

բրինձ – 500 գր

չամիչ – 100 գր

չիր ծիրանի – 100 գր

չիր սալորի – 100 գր

խուրմա – ըստ ճաշկի

նուշ – 50 գր

պնդուկ – 30 գր

ընկույզ – 30 գր

կարագ – 100 գր

դարչին – 1 հատ (ձողիկ)

մեխակ – 3 հատ

լավաշ – 1 հատ

աղ – ըստ ճաշակի

ջուր – 1.5 լ

Պատրաստման եղանակը

Ջուրը դնում ենք կրակին, ավելացնում 1 ճ/գդ աղ: Բրինձի և ջրի հարաբերությունը պետք է լինի 1:3: Երբ ջուրը հասնում է եռման աստիճանի, լցնում ենք բրինձն ու եփում 10 րոպե:Չրերը, նուշը, կարագը, դարչինի ձողիկն ու մեխակը լցնում ենք ամանի մեջ, վրան 100 մլ ջուր լցնում և 20-30 րոպե եփում մարմանդ կրակին: Ընթացքում ջուր ենք ավելացնում, որպեսզի չրերը չկպչեն:Բրինձը 10 րոպե եփվելուց հետո վերցնում ենք կրակից, լցնում քամիչի մեջ և վրան սառը ջուր լցնում:
Տապակը կարագապատում ենք, վրան դնում լավաշն ու լցնում բրինձը:Մնացած կարագը հալեցնում ենք և լցնում բրինձի վրա:Մարմանդ կրակին մոտ 40-60 րոպե եփում ենք բրինձը, այնուհետև բրգաձև լցնում մատուցվող ամանի մեջ:Վրան լցնում ենք չրերն ու նուշը, այնուհետ ավելացնում պնդուկն ու ընկույզը: