Բաղադրությունը
- մակարոն – 400 գր
- սունկ շամպինիոն – 300 գր
- պանիր – 200 գր
- սերուցք 30-35% յուղայնությամբ – 6 ճ/գդ
- արգանակ բանջարեղենային – 100 գր (կամ մսային)
- ձու – 2 հատ
- չորահաց – 2 ճ/գդ
- բուսայուղ – 1 ճ/գդ
Պատրաստման եղանակը
Մակարոնը ըստ ցուցումների եփում ենք, լցնում ցանցի մեջ և ջուրը թափում: Պանիրը քերում ենք, սնկերը կտրատում և բուսայուղով 7-8 րոպե տապակում:
Խառնում ենք ձուն, սերուցքը, սնկերը և քերած պանիրը:
Մակարոնները խառնում ենք արգանակի, 50 գր պանիրի ու սնկերի հետ և լցնում սերուցքային խառնուրդի մեջ: Զանգվածը խառնում ենք և լցնում խորանարդաձև ամանի մեջ:Ծածկում ենք պոլիէթիլենային թաղանթով, վրան ծանրություն դնում և 3 ժամով տեղափոխում սառնարան:
Մակարոնները հանում ենք սառնարանից, ձողիկների նման կտրատում և թաթախում դեղնուցային զանգվածի մեջ: Պանիրն ու չորահացը խառնում ենք և ձողիկները թաթախում այդ զանգվածի մեջ:Բուսայուղապատ տապակը տաքացնում ենք և ձողիկները տապակում 5 րոպե: Ահա և վերջ:
