Բաղադրությունը
- ձուկ – 200 գր (փափկամիս)
- պանիր – 100 գր
- ձու – 2 հատ
- մայոնեզ – 2 ճ/գդ
- սխտոր – 1 պճեղ
- աղ – ըստ ճաշակի
- պղպեղ սև – ըստ ճաշակի
- նուշ – 1/3 բաժակ` վրան ցանելու համար
- հազարի թերթեր – մատուցման համար
Պատրաստման եղանակը
Ձկան փափկամսով, պանրով, խաշած ձվերով և մի քիչ սխտորով նրբահամ աղցան։ Ձուկը պետք է յուղոտ լինի։ 10 հատ գնդիկ է ստացվում։ Ձկան ֆիլեն հալեցնում ենք և աղաջրում թույլ կրակի վրա եփում։ Պետք է եռալուց հետո 10-15 րոպե եփել։ Սառեցնում ենք։Ձվերը խաշում ենք։ Եռալուց հետո 10 րոպե եփում ենք, այնուհետև հոսող ջրի տակ սառեցնում։ Ձկան փափկամիսը շատ մանր կտորներով կտրատում ենք։Ձվերը մաքրում ենք և մանր քերիչով անցկացնում։Պանիրը մանր քերիչով անցկացնում ենք։ Ձկան փափկամիսը, ձվերն ու պանիրը լցնում ենք աղցանամանի մեջ։Ավելացնում ենք մայոնեզը և ճզմած սխտորը։ Պղպեղով համեմում ենք և խառնում` մինչև միասեռ զանգված ստանանք: Անհրաժեշտության դեպքում մի քիչ աղ ենք անում։ Նուշի վրա եռման ջուր ենք լցնում, 5 րոպե թողնում ենք, այնուհետև կեղևազատում։ Նուշը մանրացնում ենք (շատ չենք մանրացնում)։Ձկան փափկամսով պատրաստված զանգվածով ընկույզի չափ գնդիկներ ենք ձևավորում։ Գնդիկները թաթախում ենք մանրացված նուշի մեջ։Հազարի թերթերը դնում ենք մատուցարանի վրա և գնդիկները շարում վրան։
