Բաղադրությունը
- սմբուկ 1 հատ
- դդում 2 հատ
- պանիր 100 գրամ
- լոլիկ 100 գրամ
- ձեթ 2 ճաշի գդալ
- հազարի տերևներ 3 ցողուն
- սոխ 0.5 գլուխ
- սխտոր 1 պճեղ
- կարագ 30 գրամ
- ռեհան 1 ցողուն
- աղ
Պատրաստման եղանակը
Սմբուկն ու դդմիկը կտրտել 1.5 սմ հաստության շրջանակների, բուսայուղով երկու կողմից տապակել: Ջեռոցի տապակին յուղաթուղթ փռել, սմբուկն ու դդմիկը հովհարաձև շարել, ամեն մեկի վրա պանրի շերտ դնել, եփել 200 աստիճան ջեռոցում 7-8 րոպե: Սոուս պատրաստելու համար պետք է կարագով թեթևակի տապակել մանր կտրատած սոխն ու սխտորը, ավելացնել խյուսի վերածած պահածոյացված լոլիկը, եփել 3 րոպե, ավելացնել բարակ շերտատած ռեհանը, աղ ու պղպեղ անել: Մարոլի տերևները շարել մատուցվող ափսեի մեջ, վրան պանրով բանջարեղեն դնել, սոուս լցնել և մատուցել:
