Բաղադրությունը
- 1 կիլոգրամ միս
- 2 հատ սոխ
- 1 ձու
- 1 կարտոֆիլ կամ 20 գ սպագետի
- աղ, պղպեղ, խառը կանաչի
Պատրաստման եղանակը
Միսը, սոխը, կանաչին անցկացրեք մսաղացով, խառնեք իրար, ավելացրեք աղ, պղպեղ: Այդ զանգվածին ձեռքերով ոզնու ձև տվեք և թաթախեք այն ալյուրի, այնուհետև նախապես հարած ձվի մեջ: Ձեռքերով ամրացրեք ձևը, որպեսզի չքանդվի: Ոզնու աչքերի և քթի տեղում դրեք սև պղպեղի կլոր հատիկները: Ոզնու փշերի փոխարեն կլինի մանր կտրատած կարտոֆիլը: Կարտոֆիլը կտրեք այնպես, որ բարակ և երկար ձողեր ստացվեն: Գցեք այն եռացող ջրի մեջ 5 րոպեով: Զգույշ շարեք կարտոֆիլի կտորները «ոզնու» վրա: Կարտոֆիլի փոխարեն կարող եք օգտագործել նաև հում սպագետի: Սպագետիի վրա կարող եք անցկացնել նաև մրգի կտորներ:Թավայի մեջ դրեք հաստ թուղթ, վրան տեղավորեք «ոզնիները» և դրեք ջեռոցի մեջ: Ջեռոցի ջերմաստիճանը թող չգերազանցի 180-ը, և մեկ ժամից «ոզնիները» պատրաստ կլինեն:
