Բաղադրությունը
- 6 հատ կարտոֆիլ
- 500 գրամ կաթնաշոռ
- 100 գրամ կարագ
- 2 հատ հավկիթ
- 250 մլ բնական յոգուրտ
Պատրաստման եղանակը
Ընդամենը մեկ ժամ, և օրգինալ ուտեստը պատրաստ է:Կարագն ու կաթնաշոռը հարել այնպես, որ ստացվի համասեռ զանգված: Ավելացնել աղ և պղպեղ: Եթե կաթնաշոռը շատ խիտ է, ապա այն մինչ հարելը փոքր-ինչ տրորել: Մաքրել կարտոֆիլը, բարակ շերտերով կտրտել, կարող եք օգտագործել նմանատիպ քերիչներ, որոնք կհեշտացնեն Ձեր գործը:Ջեռոցի համար նախատեսված ամանը յուղել, այնուհետև առաջին շերտով դնել կտրտած կարտոֆիլը, իսկ հետո կաթնաշոռային զանգվածը: Այսպես շերտ-շերտ մինչև վերջ: Տարայի բերանը փակել ալյումինե թղթով’ ֆոլգայով: Դնել նախօրոք մինչև 190 աստիճան տաքածված ջեռոցը 1 ժամ 10 րոպե: Այնուհետև հանել, բացել բերանը, ջեռոցի ջերմաստիճանը իջեցնել 180 աստիճան: Ձուն և յոգուրտը հարել համեմելով, մինչև փրփուր առաջանա: Ստացված փրփուրը տարածել ջեռոցից հանված զանգվածի վրա և նորից տեղավորել այնտեղ եւ 20 րոպեով:
