Բաղադրությունը
- դդմիկ – 400 գր
- աղ – 1 թ/գդ
- սոխ կանաչ – մի քանի ճյուղ
- ձու – 1 հատ
- ալյուր – 0,5 բաժակ
- փխրեցուցիչ – 0,5 թ/գդ
- պղպեղ սև – ըստ ճաշակի
- ձիթայուղ – տապակելու համար
Պատրաստման եղանակը
Դդմիկները լվանում ենք, պոչի հատվածը կտրում: Խոշոր քերիչով քերում ենք, լցնում մեծ կաթսայի մեջ, ավելացնում 1 թ/գդ աղ ու խառնում: 10 րոպեով դնում ենք մի կողմ: 10 րոպե անց ձեռքով քամում ենք, որպեսզի ավելորդ հեղուկը դուրս գա: Հետո ավելացնում ենք կտրատած կանաչ սոխը, ձուն, սև պղպեղն ու լավ խառնում ենք:Ոչ մեծ կաթսայի մեջ խառնում ենք ալյուրն ու փխրեցուցիչը, լցնում դդմիկների մեջ ու լավ խառնում:Հակաայրուկանին ծածկույթով ու հաստ հատակով մեծ թավայի մեջ տաքացնում ենք 2 ճ/գդ ձիթայուղ և դդմիկով զանգվածը գդալով լցնում թավայի մեջ՝ հարթ օլադիի ձև տալով:Օլադիները յուրաքանչյուր կողմից 3-5 րոպե տապակում ենք ոչ ուժեղ կրակին, մինչև ոսկեգույն դառնան: Անհրաժեշտության դեպքում ձիթայուղ ենք ավելացնում:Տապակելուց հետո դնում ենք թղթե անձեռոցիկի վրա, որպեսզի ավելորդ յուղայնությունը դուրս գա:
