Բաղադրությունը
- հավի փափկամիս – 200 գր
- չամիչ – 70 գր
- ընկույզ – 70 գր
- գազար – 1 հատ
- սոխ – 1 հատ
- պանիր – 100 գր
- մայոնեզ – ըստ ճաշակի
- ջուր – 150 մ
- շաքարավազ – 1 ճ/գդ
- քացախ – 1 ճ/գդ (9%)
Պատրաստման եղանակները
Հավի փափկամիսը խորանարդաձև կտրատում ենք, գազարն անցկացնում քերիչով:Չամիչի վրա եռման ջուր ենք լցնում, թողնում 10 րոպե, ինչից հետո ջուրը թափում ենք և չամիչները չորացնում: Սոխը մանր կտրատում ենք և 10 րոպեով տեղափոխում սառնարան:
Պատրաստում ենք մարինադը: Ջրի մեջ լցնում ենք շաքարավազն ու քացախը, խառնում ենք և ավելացնում սոխը: Մի քանի րոպե անց զանգվածը լցնում ենք մաղի մեջ և մարինադը թափում:Ընկույզները մանրացնում ենք, իսկ պանիրը՝ անցկացնում քերիչով:
Շերտերով հավաքում ենք աղցանը: Շարում ենք հավի փափկամիսը, լցնում մայոնեզի մեջ խառնած սոխը, չամիչը, մայոնեզի մեջ խառնած գազարը, պոպոկը և քերած պանիրը: Ահա և վերջ:
