Բաղադրությունը
- կարտոֆիլ – 1կգ
- միս տավարի (աղացած) – 300գր
- սոխ – 2 գլուխ
- գազար – 100գր
- լոլիկի մածուկ – 1ճ/գդ
- սխտոր – 2 պճեղ
- բուսայուղ
Պատրաստման եղանակը
Կարտոֆիլը կտրում ենք մեջտեղից, դանակով կամ գդալով հանում ենք միջուկը, իսկ ծայրի հատվածից կտրում մի փոքր՝ վերացնելով կլորությունը, որպեսզի կաթսայի մեջ դնելիս ուղիղ դիրքով մնան:Պատրաստում ենք լցոնը. աղացած միսը համեմում ենք աղ և պղպեղով, ավելացնում ճզմած սխտորը, ապա նախապես մանրացրած և տապակած սոխը:Լցոնում ենք կարտոֆիլները, տեղադրում կիսով չափ ջրով լցված կաթսայի մեջ (ջրի մեջ նախապես լցրեք 1/2 գդալ աղ): Եփում ենք մինչև կիսահում վիճակը:Սոուսը պատրաստելու համար բուսայուղի մեջ տապակում ենք կտրատված սոխն ու գազարը, ապա ավելացնում տոմատի մածուկը, մի քիչ ջուր և աղ: Պարտաստի սոուսը լցնում ենք կիսահում կարտոֆիլի վրա:Շարունակում ենք այդպես եփել մինչև կարտոֆիլի և մսի վերջնական եփվելը:
