Բաղադրությունը`

• 500 գրամ շերտավոր խմոր
• 6 հատ հավի բդիկ
• 300 գրամ սունկ
• 500 գրամ կարտոֆիլ
• 1 հատ գլուխ սոխ
• ձեթ
• աղ, սև պղպեղ

Պատրաստման եղանակը`

1. Կարտոֆիլը լվանալ, կլպել և խաշել: Խաշած կարտոֆիլին ավելացնել կաթը և կարագը, համեմել աղով:
1.Գլուխ սոխը մաքրել, մանր կտրատել և ձեթով տապակել մինչև ոսկեգույն դառնալը: Սունկը կտրատել և ավելացնել սոխի վրա, տապակել 15 րոպե, մինչև ջուրը ամբողջովին գոլորշանա:
3.Կարտոֆիլի պյուրեն և սունկը խառնել իրար և թողնել, որ պաղի:
4.Հավի միսը համեմել աղով և սև պղպեղով: Թավայի մեջ ձեթ լցնել, տաքացնել և հավի բդիկները մեջը տապակել:
5.Խմորը բացել 3 մմ հաստությամբ, 15 սմ երկարությամբ և լայնությամբ քառակուսիներ կտրատել: Մեջտեղի հատվածում 2-3 ճ/գ միջուկից լցնել, միջուկի վրա դնել տապակած հավի միսը: Խմորի ծայրերը հավաքել պարկի տեսքով և կապել թելով: Շատ ամուր պետք չէ կապել, որպեսզի խմորը չկտրվի:Խմորից դուրս մնացած ոսկորը փաթաթել փայլաթիթեղով, որպեսզի չայրվի:
6.Պատրաստի բդիկները դնել 180 C ջեռոցում, եփել 15-20 րոպե, մինչև խմորը պատրաստ լինի: Մատուցելուց առաջ թելերը հանել: Կարելի է մատուցել որևէ թարմ աղցանով:
Բարի ախորժակ

Հուշում`

1.Բդիկները և պյուրեն օգտագործել հովացնելու հետո, որպեսզի խմորից պարկ ստանալը հեշտ լինի: Շերտավոր խմորը տաքությունից հալվում է:
2.Խմորի կողքի հատվածները կարելի է օգտագործել, եթե պարկի ներքևի հատվածում պատռվածք լինի: